“Emakumeak artearen historian” liburuaren aurkezpena

María José Noain Maura egileak bere Emakumeak artearen historian liburu berria aurkeztuko du martxoaren 26an, asteazkena, 19:00etan, Zubieta – Troa liburudendan (Reyes Católicos kalea, 3, Donostia).
Santiago Noain Maura (arkitektoa) izango du solaskide.

Liburuak emakumearen presentzia aztertzen du Artearen Historian, baina ez sortzaile gisa soilik —subjektu moduan—, baita objektu moduan ere. Gaiaren arabera antolatuta, egileak hausnarketa egiten du emakumeek artearen munduan izan duten paperaz: emakumezkoen biluztasuna, genero eta teknika piktorikoak, heziketa artistikoa, profesionalizazioa, esparru domestikoa eta amatasuna, besteak beste. Gai horiek guztiak primeran lagunduta datoz, emakume artista nabarmenenen bizitza eta lanen bilduma batekin.

Liburua dagoeneko eskuragarri dago liburudendetan, Principal de los Libros argitaletxearen eskutik.
Informazio gehiago: principaldeloslibros.com